ضربتها ضربة قوية

ماشية على الخطوة والخطوة حلوة وموزونة
لو جاية من بعيد الناس تقول الحلوة الأمورة
شغلت قلوب الناس وبنات كتير غارت منها
وكتر الكلام وخطوتها صبحت حدوتة
الحلوة صبحت خطوتها للكل صبحت معروفة
والعين منين تروح عليها محطوطة
عدت ليالي عدت شهور، والخطوة صبحت مدفونة
قعدت في بيتها قعدت كتير، الحلوة كانت مكسورة
العين ما ترحم، كسرت الحجر، ودي معروفة
وده إنسان جنب الحجر، إية تكون قوّته؟
العين بتحسد وفي الحسد قوية ومغرورة
ضربتها ضربة قوية، وساعات بتبقى مش مقصودة
((قُلْ أَعُوذُ بِرَبِّ الْفَلَق مِن شَرِّ مَا خَلَقَ))*.
احميني يا رب من كل نظرة مش مرغوبة.