ماسبيرو النيل

نشرة أخبار ماسبيرو النيل

بتقول آل ثوار التحرير
عايشين كنتاكي وغنا وفطير
والثورة مؤامرة خارجية
والشعب شيوعي وشرير

ومكالمات أعداء الثورة
انتشرت واتحفر البير
اتكلموا بلسان الأمة
الأخت لواحظ وسمير

إذ أن لواحظ قد قالت
آه يا مامي راح يضربوا فينا
وهيقتلوا ناسنا وأهالينا
ويبيعوا الأسهم ف البورصة
وتضيع فيلتنا ف مارينا


وصريخة من أم لواحظ
هتغلوا شوية صراصير
وهنصبح والست جارتنا
منظرنا بيئة وحقير

والأخ سمير أيضا أبدع
ما اهو فاتح للكيف مستودع
والمخزن تحت البيت مليان
ودماغ الشعب دي بتودع

وإشاعة أخ بنت لزينة
هتركب عين أمه سفينة
ويحصل عمو ابن فاروق
وسوزان ثابت تبقى حزينة

وحديدة راح يصبح قضبان
يلبس الأبيض و ينور
عز الجربان
تتلم عليه كل الشلة
ويجرب معنى الحرمان

وأهو فقي شراني ومتحكم
بيخطط والشيخ بيقسم
وميدانهم للقنوات كارثة
و سيناريو هابط لمؤاخذه
والشعب ده صايع و بيرسم

راح أحط الإعلان ده بنفسي
وأقول الشعب مريض نفسي
ونجيب دكتور ابن حلمبوا
ويقول الدوا حسني وعزمي

وهنلغي كل الميادين
ونبيد الشعب المسكين
ونحطم أهداف الثورة
يا شباب متمرد مجانين

هاتوا صورة لكورنيش النيل

الكاتب:

غادة أشرف

المدوّنة:

بنت مصر