حالات فيهم متتخطبيش

-  ما تتخطبيش علشان خايفة إنك تبقي عانس ومتلاقيش اللي يتجوزك.
-  ما تتخطبيش علشان بابا وماما حاسين إنهم مش هيطمنوا عليكي إلا وإنتي في ذمة راجل.
-  ما تتخطبيش علشان زهقتي من إن كل صحابك عندهم "بوي فريند"، وإنتي اليتيمة اللي واقعة من على قعر القفة فما صدقتي.
-  ما تتخطبيش علشان تغيظي واحد من كتر ما هو مهتم بيكي هيقولك على خبر خطوبتك مبروك.
-  ما تتخطبيش لأول واحد ابن ناس دق بيتكم، فيه كتير ولاد ناس ممكن يكونوا مناسبين ليكي أكتر.
-  ما تتخطبيش علشان فاكرة إنك بكدة هتعيشي حياتك، وهتخرجي وتتفسحي وتشوفي الدنيا، في 1000 طريقة توريكي الدنيا من غير ما تحبسي نفسك جوه راجل مينفعلكيش.

الخطوبة أول طوبة بتبنيها في بيت حياتك، علشان كدة إنتي اللي بتختاري البيت ده ونوعه ودرجة متانته، ولأنى مريت بالتجربة ومريت بحالات كتير ممكن تخليكي تتخطبي وتفشلي.. بقولك ما تتخطبيش.!  
 
كتاب المئة تدوينة. Powered by Blogger.

التصنيفات

القائمة الكاملة للتدوينات

 

© 2010 صفحة التدوينات المرشحة لكتاب المئة تدوينة