حلم جميل

رسمت حنة بإيديها
على إيديها
ورفعتهالى من الشباك
خطفتنى بعينيها
وشافت عينى من الخضة
ميت شباك
سَكَت شوية
غمضت عينى
وقفلت الشيش
وبعد شوية
لقيت الخبطة بتلالى
تغريد عصفور
شكله كنـارى
بيقولى
افتح لى الشيش
فَتَحت عينى
وبفتحله ..
لقيت نفسى
برتاحله ..
من أول لمسة للريش
وبعديها ..
سمعت صوت
زى ما يكون
تـوت تـوت
حسيته هنـا
بنفس الصوت
وغزل البنات
بيبيعها
جريت عليه
لا يبيعها
وملقاش حظى
أخر اليوم
وبعديها ..
صحيت من النوم
على صوت أمى
بتقولى
كل ده بتكلم ميـن ؟
حلم ده ولا كميـن ؟



الكاتب:  محمود جمعة العريني  المدوّنة: ناسى عنوانى 
 
كتاب المئة تدوينة. Powered by Blogger.

التصنيفات

القائمة الكاملة للتدوينات

 

© 2010 صفحة التدوينات المرشحة لكتاب المئة تدوينة