نص حالة

نص ضحكة
يعني لما ترسم ضحكة على شفايفك
بتقول كل حاجة بس كل حاجة
عكس اللى جواك

نص فرحة
يعني لما يبقى كل اللى حواليك فرحانين
وإنت فرحان ليهم
بس نفسك تعرف المفروض تفرح إنت كمان على إيه؟!؟

نص راحة
يعني لما تبقى راضي بأنصاف الحلول دايمًا
ترضى بيها عشان بتتمنى في يوم من الأيام تبقى كلها راحة
مش بس نص راحة

وقتها إنت بتبقى نص من كل حاجة
نص ضحكة على نص فرحة
على نص راحة
ودة كله بيبقى
نص حالة
 
كتاب المئة تدوينة. Powered by Blogger.

التصنيفات

القائمة الكاملة للتدوينات

 

© 2010 صفحة التدوينات المرشحة لكتاب المئة تدوينة