ده اسم حملة عملوها شباب بيطالبوا فيها بتسيير نفقات الجواز.. سواء كان من طلبات الأهل، أو حتى بمساعده الحكومة في موضوع الشقق مثلا. صراحة عاجباني الفكرة أوي، من قبل موضوع الحملة ده وأنا دايما بفكر في حكاية الطلبات اللي الأهالي بيطلبوها من الشباب اللي عايزة تتجوز.. في نوعية من الأهالي بيتصوروا انهم لما يطلبوا من الشاب اللي جاي يتقدم لبنتهم طلبات كتير يبقى هما كده بيعملوا الأفضل ليها وبيأمنوا مستقبلها. مش قادرة أفهم أنهي مستقبل ده اللي بيتعاملوا معاه بطريقة مادية وبس كده، محدش قال إن الأهل يتنازلوا عن أي حق من حقوق بنتهم ولكن كأمثلة:
الشبكة
هو ليه مطلوب من أي عريس انه يجيب شبكة، هو ماحدش عارف سعر الدهب كام النهاردة؟؟ ما هو ممكن يبقى تمن الشبكة ده مفيد في حاجه أهم وأولى، وكفاية الدبلة كإشهار للخطوبة وبس.
الشقة
ايه المشكلة لما الولد مش يكون عنده شقه؟ طب ما ياخد شقه إيجار ما في الآخر اسمها شقه بردو، أو حتى الفكرة اللي الشباب اقترحوها في الحملة دي: إن الحكومة تطبق فكرة يابانية الأصل في بناء الشقق؛ بحيث إن السرير والدولايب والكراسي تبقى بالأسمنت، يعني كأن الشقه متجهزة ويبقى فاضل حاجات بسيطة كنوع من التوفير. صراحة الفكرة جديدة علينا أوي.
فرش الشقة
الفرش ده بقى قصة، في أهل بيحطوا دايما الناس اللي حواليهم مقياس لعفش بنتهم؛ يعنى هيجيبوا السجادة زي سجادة بنت أخت عم أبوها
اللي جابتها بـ 5000 وهيجيبوا الصالون زي صالون أخت مرات خال أمها اللي جابته بـ 10000 أصلها ماينفعش تبقى أقل من قرايبها في حاجة. وهما مالهم بأى حد أصلا بنتهم دي لو جاتلهم في يوم بتعيط محدش من الناس اللي بيقلدوهم دول هينفعهم، كل واحد ومستواه المادي.. ايه المشكله لما تتجاب كل حاجة بس في المعقول؟ ماهو كمان ممكن تتجاب الحاجات الضرورية في البداية وبعدين الولد والبنت يبقوا يكملوا على مهلهم ماهو الحاجة اللي هيجيبوها دي مش بتاعة العمر مثلا، ما في حاجات هتفضل وحاجات هتتغير.. طب ليه بقى كل حاجه لازم دلوقتي؟
طلبات تانية
زي مثلا المؤخر والقايمة دول بقى فيهم قصص وروايات منها إن الولد ممكن يكتب شيك على نفسه..
أنا مش متخيلة أنهي أهل دول ممكن يأمنوا ولد على بنتهم بمقابل شيك هو الشيك هينفعهم في ايه؟ هو ده حق ربنا وماقولتش حاجة
بس فكرة تنفيذه دي اللي غريبة.. ماينفعش الأهل يفكروا في جوازة بنتهم بطريقة مادية بالمنظر ده.. المادة مش كل شيءة ده إنسان هتستأمنه على بنتك اللي هي حتة منك؛ يعني عمر أبدا ما الفلوس هتفرق معاك لو بنتك حصلها حاجة أو مش راعى ربنا فيها
بيتهيألي إن الفلوس مش هتنفع حد من الأهل لو ده حصل.
لا وبعد ده كله الأهالي بيسألوا هو ليه البنات بتعنس؟!! عشان يا عيني الشباب جالهم عقدة نفسية خلاص.. ربنا يكون في عونهم صراحة.
الشبكة
هو ليه مطلوب من أي عريس انه يجيب شبكة، هو ماحدش عارف سعر الدهب كام النهاردة؟؟ ما هو ممكن يبقى تمن الشبكة ده مفيد في حاجه أهم وأولى، وكفاية الدبلة كإشهار للخطوبة وبس.
الشقة
ايه المشكلة لما الولد مش يكون عنده شقه؟ طب ما ياخد شقه إيجار ما في الآخر اسمها شقه بردو، أو حتى الفكرة اللي الشباب اقترحوها في الحملة دي: إن الحكومة تطبق فكرة يابانية الأصل في بناء الشقق؛ بحيث إن السرير والدولايب والكراسي تبقى بالأسمنت، يعني كأن الشقه متجهزة ويبقى فاضل حاجات بسيطة كنوع من التوفير. صراحة الفكرة جديدة علينا أوي.
فرش الشقة
الفرش ده بقى قصة، في أهل بيحطوا دايما الناس اللي حواليهم مقياس لعفش بنتهم؛ يعنى هيجيبوا السجادة زي سجادة بنت أخت عم أبوها
اللي جابتها بـ 5000 وهيجيبوا الصالون زي صالون أخت مرات خال أمها اللي جابته بـ 10000 أصلها ماينفعش تبقى أقل من قرايبها في حاجة. وهما مالهم بأى حد أصلا بنتهم دي لو جاتلهم في يوم بتعيط محدش من الناس اللي بيقلدوهم دول هينفعهم، كل واحد ومستواه المادي.. ايه المشكله لما تتجاب كل حاجة بس في المعقول؟ ماهو كمان ممكن تتجاب الحاجات الضرورية في البداية وبعدين الولد والبنت يبقوا يكملوا على مهلهم ماهو الحاجة اللي هيجيبوها دي مش بتاعة العمر مثلا، ما في حاجات هتفضل وحاجات هتتغير.. طب ليه بقى كل حاجه لازم دلوقتي؟
طلبات تانية
زي مثلا المؤخر والقايمة دول بقى فيهم قصص وروايات منها إن الولد ممكن يكتب شيك على نفسه..
أنا مش متخيلة أنهي أهل دول ممكن يأمنوا ولد على بنتهم بمقابل شيك هو الشيك هينفعهم في ايه؟ هو ده حق ربنا وماقولتش حاجة
بس فكرة تنفيذه دي اللي غريبة.. ماينفعش الأهل يفكروا في جوازة بنتهم بطريقة مادية بالمنظر ده.. المادة مش كل شيءة ده إنسان هتستأمنه على بنتك اللي هي حتة منك؛ يعني عمر أبدا ما الفلوس هتفرق معاك لو بنتك حصلها حاجة أو مش راعى ربنا فيها
بيتهيألي إن الفلوس مش هتنفع حد من الأهل لو ده حصل.
لا وبعد ده كله الأهالي بيسألوا هو ليه البنات بتعنس؟!! عشان يا عيني الشباب جالهم عقدة نفسية خلاص.. ربنا يكون في عونهم صراحة.
