طلت الشمس فى عينيها والتاريخ شقشق عليها
لما فاق الفجر فينا وانكسر جوانا خوفها
صوت غضبنا يدق بابها يكسر الترابيس ويدخل
يجمع الليل اللي عشش ع الحطان قهر ومذلة
كسر السراديب ولملم كل شوك للذل نبت
اصرخي خليني أصرخ
انزعي الخوف من عروقك ينتفض جوايا شوقك
بعتري الأيام في نيلك خلي ريقك يروي عطشي
سلسبيلك فاض في حلقي نبتت شراييني اسمك
زلزلت جوايا صمتي
اصرخي خليني أصرخ
مصر أهي لساها شابة والربيع أهو جاي يضحك
يستحي لما يشوفها يستخبى في نورها يطرح
يتنقش في عيون حبيبها ألف مركب للنجاة
سر من أسرار وجودها هو إكسير الحياة
ياللي مشغول بالوجود ياللي مبهور بالحياة
مصر أسطورة خلود والتاريخ شاهد عيان
يحكي عن قصة حبيبتي لما ثارت في الميدان
مصر يا أم الليل طويل بعتري في عشقك سنين
لملمي في حجرك دموعي واغسلي في نيلك همومي
بعتري الأحلام وسمي، كبري بصوتك وضمي
دوبي ولادك ودوبي والضومي في كمك همومي
كملي دا الليل طويل وانتي عزالك كتير
اغزلي م الليل ضفايرك واضحكي للشمس تطلع
اغزلى فستان فرح، خلي خلخالك جرس
ارسمى في العشق جنة دا انتي ست الحسن ياأما
يعشقك كل اللي شافك وانتي قلبك بابه فضة
ارفعي اليشمك وطلي صبي نار العشق صبي
اخبزي من نار جمالك كل أساطير المعارك
اربطى خصرك وشدي وارقصي على نار سيوفهم
جلاديكي ماتوا فيكي والتاريخ يفضح ما يسكت
كل ما يعدي النهار يقعدوا العشاق حيارى
يكتبوا في عشقك قصايد يشربوا في الخمرة شهدك
سكروا ليه قبل الميعاد !! نسيوا ليه كل اللي فات !!
ليه بنرجع تاني ليكي ؟؟ ليه بنلقى حالنا فيكي ؟؟
مصر يا ست الصبايا أبتدي منين الحكاية
أصل أنا في العشق حالة واستحاله أبوح لغيرك
كل لما اطفش واسيبك وألعن الجنة فى عيونك
أجري واحلف عمري ما أرجع عمري ما هشتاق لصوتك
مهما زاد الجرح فيا استحالة أحن ليكي
الجنون إنى أحبك ... الجنون إني أشوفك
الجنون إنك تبيعي وأفضل أشد فى هدومك
بس برجع تانى ليكي وبعد كل الذل فيكي
ألتفت وأجري عليكي
أترمي في حضنك وأعيط تضحكي أنسى دموعي
يتنبح صوتي وأنا أنده
مصر يا ست الصبايا كل عشاقك خانوكي
مش فاضلك حد غيرى اؤمري أموت عشانك
تضحكي وتقولي ولدي هو دا اللي يشد ظهري
هو دا إكسير شبابي مهما زاد حملي عليه ينتفض ويدق بابي
لما فاق الفجر فينا وانكسر جوانا خوفها
صوت غضبنا يدق بابها يكسر الترابيس ويدخل
يجمع الليل اللي عشش ع الحطان قهر ومذلة
كسر السراديب ولملم كل شوك للذل نبت
اصرخي خليني أصرخ
انزعي الخوف من عروقك ينتفض جوايا شوقك
بعتري الأيام في نيلك خلي ريقك يروي عطشي
سلسبيلك فاض في حلقي نبتت شراييني اسمك
زلزلت جوايا صمتي
اصرخي خليني أصرخ
مصر أهي لساها شابة والربيع أهو جاي يضحك
يستحي لما يشوفها يستخبى في نورها يطرح
يتنقش في عيون حبيبها ألف مركب للنجاة
سر من أسرار وجودها هو إكسير الحياة
ياللي مشغول بالوجود ياللي مبهور بالحياة
مصر أسطورة خلود والتاريخ شاهد عيان
يحكي عن قصة حبيبتي لما ثارت في الميدان
مصر يا أم الليل طويل بعتري في عشقك سنين
لملمي في حجرك دموعي واغسلي في نيلك همومي
بعتري الأحلام وسمي، كبري بصوتك وضمي
دوبي ولادك ودوبي والضومي في كمك همومي
كملي دا الليل طويل وانتي عزالك كتير
اغزلي م الليل ضفايرك واضحكي للشمس تطلع
اغزلى فستان فرح، خلي خلخالك جرس
ارسمى في العشق جنة دا انتي ست الحسن ياأما
يعشقك كل اللي شافك وانتي قلبك بابه فضة
ارفعي اليشمك وطلي صبي نار العشق صبي
اخبزي من نار جمالك كل أساطير المعارك
اربطى خصرك وشدي وارقصي على نار سيوفهم
جلاديكي ماتوا فيكي والتاريخ يفضح ما يسكت
كل ما يعدي النهار يقعدوا العشاق حيارى
يكتبوا في عشقك قصايد يشربوا في الخمرة شهدك
سكروا ليه قبل الميعاد !! نسيوا ليه كل اللي فات !!
ليه بنرجع تاني ليكي ؟؟ ليه بنلقى حالنا فيكي ؟؟
مصر يا ست الصبايا أبتدي منين الحكاية
أصل أنا في العشق حالة واستحاله أبوح لغيرك
كل لما اطفش واسيبك وألعن الجنة فى عيونك
أجري واحلف عمري ما أرجع عمري ما هشتاق لصوتك
مهما زاد الجرح فيا استحالة أحن ليكي
الجنون إنى أحبك ... الجنون إني أشوفك
الجنون إنك تبيعي وأفضل أشد فى هدومك
بس برجع تانى ليكي وبعد كل الذل فيكي
ألتفت وأجري عليكي
أترمي في حضنك وأعيط تضحكي أنسى دموعي
يتنبح صوتي وأنا أنده
مصر يا ست الصبايا كل عشاقك خانوكي
مش فاضلك حد غيرى اؤمري أموت عشانك
تضحكي وتقولي ولدي هو دا اللي يشد ظهري
هو دا إكسير شبابي مهما زاد حملي عليه ينتفض ويدق بابي
| الكاتب: | إيمان هلال | المدوّنة: | صرخات ثورية |
