وا ترانسليتاه

بحكي لكوا إنه كان فيه حضارة
مش من زمان موجودة وآثارها لسة عمارة
هادي الحضارة علمت العالم كله
واللي ما رضي يتعلم علمت عليه برضو
حضارة كل البلاد بوابها
وشباكها بطل على كل بحورها وجبالها ووديانها
حضارة ما خلت حد يسبقها
واللي فاتها حللت الأسباب وفهمتها
حضارة ما كان فيها هنود وفرس وعرب
حضارة علمت وتعلمت ووزنت الترجمة بدهب
اغترت الحضارة وكان سبب ضعفها
نهبوها الغزاة وما خلوا فيها لا لحمها ولا عضمها
سكّرولها تمها وسمعها وبصرها
قالوا يمكن تموت ونكفي شرها
حطوا لها علم جديد وقالوا لها هادا هو السبيل
تصيري فيه حرة ويرجع لك زمنك الجميل
وبعد ما كانت حضارة ترجمت علم العالم من الصين للكويت
انصرعت الحضارة عشان بدهم يسكروا الغوغل ترانسليت

The Unexplained Death of Google Translate API
Spring cleaning for some of our APIs

و بيجي هادا البوست مع حملة التدوين اليومي لشهر ستة… وبما إنه اليوم جمعة ونمت منيح، فبتهيألي طلع إشي من الآخر !
المهم، من فترة أكم من يوم وانا بسمع عن إنه مع نهاية السنة غوغل رح تسكر الأبليكيشن بتاع الترجمة، ومع هادا الخبر شفت نظرات من القلق على وجوه ناس كتير وجزء كبير منهم بمراكز عالية نسبيًا!
فبما إنه الموضوع هيك… مش غلط يصير شوية حشد ومناصرة، يمكن أمير سعودي ولا إماراتي يحن على الناس ويشتري الأبليكيشن أو يدعمه عشان ما يسكر بدل ما يشتري نادي كرة قدم يتخرط فيه !
ولا يمكن يكون تأثير الإغلاق هادا إيجابي؟
والناس تصحى على الإيد اللي ماسكاها من خناقها!
مين عارف…