معناه غباء

صناديق مليانة أسرار
كل سر بيخنق التاني
كل سر عايز يموّت التاني
كل سر عايز يضيع من غير ما يبقى ليه ذكريات
أصعب دموع هي الدموع عالذكريات
أصعب حنين هو الحنين للذكريات
والألم عمره يطول لو لسة فينا الذكريات
والمشاعر تنتهي
من كل شىء بيحصل أو هيحصل
لكنها عايشه بجنون في اللي حصل
طب ليه كدة؟
وإيه العمل؟
زى ما اكون عايز أدمّر السنين
واكسر عقارب الساعات
طول حياتي
بداري سري جوا شِعري
قلت ليها كيميا الرموز
قلت ليها أحلى البنات
قلت ليها كل شيء
وهي ما حست بشيء
الكلام كان في الهوا
والحروف كانت سراب
والحلم كان معروف نهايته
والطريق ملهوش طريق
والحكاية
والرواية
والبداية
والنهاية
كل ده معناه غباء