- كانت دايما بتسمع عن رقص العصفور المذبوح، لكن عمرها ما صدقت إن العصفور ممكن يرقص وهو بيموت غير لما لقت نفسها بأعلى صوتها بتضحك وهي الستارة بتنزل في آخر المسرحية والناس مقطعة ايديها تسقيف على مشهد النهاية اللي بتتقتل فيه البطلة، بس صوتهم ماكنش واضح قوي في ودانها...أصلها كانت فعلا بتموت..
__________________
- " أسوء ما في الرومنسيات أنهن ينتقمن بضراوة" كانت كل ما تفكر في الجملة دي بتسأل نفسها يا ترى ممكن ييجي عليا يوم وأعرف انتقم؟ و لما حبت تنتقم منك ملقتش أكتر من انتقام إنها ما تنزلش دمعة واحدة على ذكرياتك.. حلفت مش هتدمع وعرفت تعملها.. وانتقمت منك بضراوة.
__________________
- كان كل دوره في حياتها مجرد رابع استيمشن، الشخص اللي بييجي علشان اللعبة تكمل، لكن لما اللعيبة انسحبوا كلهم ومفضلش غيره فكرت كتير اشمعنا هو اللي دايما موجود في كل لعبة رغم تغيير الأشخاص كل مرة، اكتشفت إن دوره كان أكبر من الرابع استيمشن بكتير.. كان الميزان اللي بيوزن جنانها في كل لعبة ويعرفها غنها كانت مجرد لعبة.. النهاردة عرفت لما لقت نفسها بتلعب استيمشن لوحدها بأربع شخصيات من غير ما حد يقول لها.. يا مجنونة.
__________________
- كان مؤمن جدا بالإشارات مع إنه ما بيعرفش يفسرها، لكن أكتر اشارة كان نفسه يعرف معناها هي يوم ميلاده خمسة يونيو، كل نكسة في حياته كان دايما بيرجعها لأنه أصلا اتولد يوم النكسة ولما كانوا أصحابه بيهزروا معاه كان هو الوحيد اللي بيصدق هزارهم، لما حبها خاف يقول لها على يوم ميلاده وخاف يقرب أكتر، كان كل يوم يعدي يخاف أكتر من اليوم اللي قبله، لما سابته من قبل ما يقول لها كلمة بحبك عرف ايه العلاقة بينه وبين النكسة.. إنه دايما ما بيحاربش.. قلبه بيتضرب وهو لسة على الأرض.
__________________
- " ماما هو بابا هيروح النارعلشان بيشرب سجاير؟"
"بيتهيألي لأ"
" مش انتى قولتيلي إن اللي بيشرب سجاير هيروح النار؟ اشمعنا بابا؟"
"لأن بابا مش بيسرق ومش بيكذب ومش بيخون ومش بيغش"
" هو ينفع ابقى زي بابا وما اشربش سجاير؟"
" مش عارفة"
"أنا لِسه يارب.. بحطة إيدك ع المسرَح.. أنا لِسه بحاوِل أستوعِب ف طبيعة الدور.. معييش النَص.. وخايِف بس أتوه وأسرَح.. وقت أما تقرر تِكشِفني بـ سبوتّ النور.."
- مصطفى إبراهيم
__________________
- " أسوء ما في الرومنسيات أنهن ينتقمن بضراوة" كانت كل ما تفكر في الجملة دي بتسأل نفسها يا ترى ممكن ييجي عليا يوم وأعرف انتقم؟ و لما حبت تنتقم منك ملقتش أكتر من انتقام إنها ما تنزلش دمعة واحدة على ذكرياتك.. حلفت مش هتدمع وعرفت تعملها.. وانتقمت منك بضراوة.
__________________
- كان كل دوره في حياتها مجرد رابع استيمشن، الشخص اللي بييجي علشان اللعبة تكمل، لكن لما اللعيبة انسحبوا كلهم ومفضلش غيره فكرت كتير اشمعنا هو اللي دايما موجود في كل لعبة رغم تغيير الأشخاص كل مرة، اكتشفت إن دوره كان أكبر من الرابع استيمشن بكتير.. كان الميزان اللي بيوزن جنانها في كل لعبة ويعرفها غنها كانت مجرد لعبة.. النهاردة عرفت لما لقت نفسها بتلعب استيمشن لوحدها بأربع شخصيات من غير ما حد يقول لها.. يا مجنونة.
__________________
- كان مؤمن جدا بالإشارات مع إنه ما بيعرفش يفسرها، لكن أكتر اشارة كان نفسه يعرف معناها هي يوم ميلاده خمسة يونيو، كل نكسة في حياته كان دايما بيرجعها لأنه أصلا اتولد يوم النكسة ولما كانوا أصحابه بيهزروا معاه كان هو الوحيد اللي بيصدق هزارهم، لما حبها خاف يقول لها على يوم ميلاده وخاف يقرب أكتر، كان كل يوم يعدي يخاف أكتر من اليوم اللي قبله، لما سابته من قبل ما يقول لها كلمة بحبك عرف ايه العلاقة بينه وبين النكسة.. إنه دايما ما بيحاربش.. قلبه بيتضرب وهو لسة على الأرض.
__________________
- " ماما هو بابا هيروح النارعلشان بيشرب سجاير؟"
"بيتهيألي لأ"
" مش انتى قولتيلي إن اللي بيشرب سجاير هيروح النار؟ اشمعنا بابا؟"
"لأن بابا مش بيسرق ومش بيكذب ومش بيخون ومش بيغش"
" هو ينفع ابقى زي بابا وما اشربش سجاير؟"
" مش عارفة"
"أنا لِسه يارب.. بحطة إيدك ع المسرَح.. أنا لِسه بحاوِل أستوعِب ف طبيعة الدور.. معييش النَص.. وخايِف بس أتوه وأسرَح.. وقت أما تقرر تِكشِفني بـ سبوتّ النور.."
- مصطفى إبراهيم
| الكاتب: | آية علم الدين | المدوّنة: | الحلم العربي |
