في برد الشتا الزمهرير
متجمعين لابينا باشا ولا غفير
يضمنا الشارع في حضنه الكبير
و يدفينا سحلب من أم أمير
ليلاتي نتعاهد هانكمل السير
لاجل مانفك سلاسل وطنا الأسير
قائدنا عم جمعة والشهرة أبوعتمان
على دفعته كان برنجى النشان
وعلى كتفه اللواء معلق النيشان
زعقته قوية تلم كل الشجعان
كلمته كما الرمانة في الميزان
حدوته في كل ساحة وميدان
وسلاحنا صحبة حلوة لكل الجيران
رشاش محبة ومدفع حكاوى زمان
ترسانة نووي من الضحك المليان
و في إيدينا الشوم والعصيان
رافعينها في وش الخاين الجبان
لاجل مانحفظ الأمن والأمان
ونقول لمصر ماتخافيش على ولادك
إحنا قلوبنا مصبوغة برملك وترابك
وفي حبك دايبين وعاشقين سمارك
عهد علينا يا بلدنا لتنولي مرادك
تفارقي العتمة وتستقبلي نهارك
وتسمعي الدنيا من تاني موالك
متجمعين لابينا باشا ولا غفير
يضمنا الشارع في حضنه الكبير
و يدفينا سحلب من أم أمير
ليلاتي نتعاهد هانكمل السير
لاجل مانفك سلاسل وطنا الأسير
قائدنا عم جمعة والشهرة أبوعتمان
على دفعته كان برنجى النشان
وعلى كتفه اللواء معلق النيشان
زعقته قوية تلم كل الشجعان
كلمته كما الرمانة في الميزان
حدوته في كل ساحة وميدان
وسلاحنا صحبة حلوة لكل الجيران
رشاش محبة ومدفع حكاوى زمان
ترسانة نووي من الضحك المليان
و في إيدينا الشوم والعصيان
رافعينها في وش الخاين الجبان
لاجل مانحفظ الأمن والأمان
ونقول لمصر ماتخافيش على ولادك
إحنا قلوبنا مصبوغة برملك وترابك
وفي حبك دايبين وعاشقين سمارك
عهد علينا يا بلدنا لتنولي مرادك
تفارقي العتمة وتستقبلي نهارك
وتسمعي الدنيا من تاني موالك
| الكاتب: | أشرف شعبان | المدوّنة: | قلبى وجعنى |
