20 يونيو .. يوم التدوين ضد التحرش الجنسي
يعنى إيه بنت/ أنثى ؟
يعنى مخلوق جميل ورقيق وضعيف, ممكن يبقى عنده صفات وحشة وكتيرة, لكن عمره ما المخلوق ده يستاهل اللي بيحصله.. سواء كان عنف أو تحرش, كل بنت بتحلم بحاجات كتير منها إن الناس تحترمها و تقدرها, حتى لو مش بتبين ده, سواء كان في تصرفاتها أو لبسها, واجبها عليك تنصحها مش تتحرش بيها يا محترم.
يعنى إيه تحرش ؟
ده مرض! آه والله مرض لأني مش لاقية تفسير لتصرفات دي اللي بتخلي الواحد من دول مفيش فرق بينه وبين الحيوانات, مبسوط بنفسك وأنت بقيت مفيش فرق بينك وبين الحيوانات؟ مبسوط إنك بتحط أختك أو مامتك أو حتى اللي هتتجوزها في موقف أنت بتعمله في بنات تانية.. تخيل كده لو هما اتعرضوا للموقف ده؟ لو عندك دم هتتضايق على الأقل لو متضايقتش ده موضوع تانى و محتاج دكتور يعالجك يا بابا.. المهم التحرش ده سواء نظرات و في أغلب الأوقات مباشرة (الأستاذ لازم يوصل للبنت أنه مراقبها) و بتوصل للكلام القليل الأدب, والمرحلة الأخيرة الهجوم .. وهنا بيكون عايز إعدام الصراحة... وخصوصا لو حالات تحرش جماعي.. اللي في مصر بتبقى عاملة زى المواسم والاعياد.. ليها أوقاتها في السنة وبيكون مثلا شم النسيم والعيدين وأي أوقات فراغ للمخلوقات الضالة دي (اللي بيعاكسوا) .. طبعا حالات التحرش الجماعي دي بتبقى غالبا عشرات ووصلت لمئات والله من الكائنات الضالة وبتكون على بنت أو بنتين أو تلاتة بالكتير!!.. تخيل بنت ضعيفة مهما كانت وحشة لما يتجمع عليها 100 أو حتى 10 ولاد ايه الأذى النفسي والمعنوي بعيدا عن الجسدي اللي ممكن يحصلها.. هسيبك تفكر.
ليه بيتحرشوا ؟
طبعا المخلوقات الضالة دي عندها نظريات لولبية كتيرة جدا.. و أولها (البنات بتحب تتعاكس).. لا يا رااااااااااااااااااجل.. آه صحيح شهم شهم يعنى بيحب يسعد البنت.. مين اللي يا "صفااااااارة" قال أنها بتحب تتعاكس؟؟ "ما هى بتضحك لما بعاكسها" آآآآآه.. طيب افرض ضحكت؟ هي مش محترمة يا أخي تقوم أنت تدي لنفسك الحق أنك تزودها بقى.. ده أنت صحيح "صفاااااارة تاااانية"
في نظرية تانية لولبية .. (هما اللي بيستفزونا بلبسهم) .. يعني أنت لو شايف واحدة لابسة ضيق بيبقى هيغمى عليك وتعاكسها.. أنت مالك يا أخي إن شاء الله حتى تمشي في الشارع مش لابسة حاجة ده شيء يرجعلها و أنت ميخصكش في أي حاجة وحاجة تانية للأخوة الكلاب الضالة اللي بيعاكسوا ويقولوك اللبس.. بالنسبة أنكم بتعاكسوا بنات منقبة ؟ ايه اللي بيستفزكوا في ده بقى.. أموت وأفهم.. و بالنسبة أنكم بتعاكسوا أمهات محترمة ماشية في الشارع مع ولادها.. برضه علل يا "صفاااارة تاااالتة"
فى كلام كتير يتقال عن التحرش ده بس اللي أنا متأكدة منه أنه مرض وفراغ وقلة أدب، وأنا شايفة أنه من حق أي بنت أنها تمشي في الشارع من غير ما تخاف أنه في واحد هيضايقها أو هيتحرش بيها..
لو سمحت احترم نفسك. شكرا.. و افتكر إن أختك أو خطيبتك ممكن تبقى في نفس الموقف.. هتحس بإيه؟
يعنى إيه بنت/ أنثى ؟
يعنى مخلوق جميل ورقيق وضعيف, ممكن يبقى عنده صفات وحشة وكتيرة, لكن عمره ما المخلوق ده يستاهل اللي بيحصله.. سواء كان عنف أو تحرش, كل بنت بتحلم بحاجات كتير منها إن الناس تحترمها و تقدرها, حتى لو مش بتبين ده, سواء كان في تصرفاتها أو لبسها, واجبها عليك تنصحها مش تتحرش بيها يا محترم.
يعنى إيه تحرش ؟
ده مرض! آه والله مرض لأني مش لاقية تفسير لتصرفات دي اللي بتخلي الواحد من دول مفيش فرق بينه وبين الحيوانات, مبسوط بنفسك وأنت بقيت مفيش فرق بينك وبين الحيوانات؟ مبسوط إنك بتحط أختك أو مامتك أو حتى اللي هتتجوزها في موقف أنت بتعمله في بنات تانية.. تخيل كده لو هما اتعرضوا للموقف ده؟ لو عندك دم هتتضايق على الأقل لو متضايقتش ده موضوع تانى و محتاج دكتور يعالجك يا بابا.. المهم التحرش ده سواء نظرات و في أغلب الأوقات مباشرة (الأستاذ لازم يوصل للبنت أنه مراقبها) و بتوصل للكلام القليل الأدب, والمرحلة الأخيرة الهجوم .. وهنا بيكون عايز إعدام الصراحة... وخصوصا لو حالات تحرش جماعي.. اللي في مصر بتبقى عاملة زى المواسم والاعياد.. ليها أوقاتها في السنة وبيكون مثلا شم النسيم والعيدين وأي أوقات فراغ للمخلوقات الضالة دي (اللي بيعاكسوا) .. طبعا حالات التحرش الجماعي دي بتبقى غالبا عشرات ووصلت لمئات والله من الكائنات الضالة وبتكون على بنت أو بنتين أو تلاتة بالكتير!!.. تخيل بنت ضعيفة مهما كانت وحشة لما يتجمع عليها 100 أو حتى 10 ولاد ايه الأذى النفسي والمعنوي بعيدا عن الجسدي اللي ممكن يحصلها.. هسيبك تفكر.
ليه بيتحرشوا ؟
طبعا المخلوقات الضالة دي عندها نظريات لولبية كتيرة جدا.. و أولها (البنات بتحب تتعاكس).. لا يا رااااااااااااااااااجل.. آه صحيح شهم شهم يعنى بيحب يسعد البنت.. مين اللي يا "صفااااااارة" قال أنها بتحب تتعاكس؟؟ "ما هى بتضحك لما بعاكسها" آآآآآه.. طيب افرض ضحكت؟ هي مش محترمة يا أخي تقوم أنت تدي لنفسك الحق أنك تزودها بقى.. ده أنت صحيح "صفاااااارة تاااانية"
في نظرية تانية لولبية .. (هما اللي بيستفزونا بلبسهم) .. يعني أنت لو شايف واحدة لابسة ضيق بيبقى هيغمى عليك وتعاكسها.. أنت مالك يا أخي إن شاء الله حتى تمشي في الشارع مش لابسة حاجة ده شيء يرجعلها و أنت ميخصكش في أي حاجة وحاجة تانية للأخوة الكلاب الضالة اللي بيعاكسوا ويقولوك اللبس.. بالنسبة أنكم بتعاكسوا بنات منقبة ؟ ايه اللي بيستفزكوا في ده بقى.. أموت وأفهم.. و بالنسبة أنكم بتعاكسوا أمهات محترمة ماشية في الشارع مع ولادها.. برضه علل يا "صفاااارة تاااالتة"
فى كلام كتير يتقال عن التحرش ده بس اللي أنا متأكدة منه أنه مرض وفراغ وقلة أدب، وأنا شايفة أنه من حق أي بنت أنها تمشي في الشارع من غير ما تخاف أنه في واحد هيضايقها أو هيتحرش بيها..
لو سمحت احترم نفسك. شكرا.. و افتكر إن أختك أو خطيبتك ممكن تبقى في نفس الموقف.. هتحس بإيه؟
