هو المفروض إن كل حاجة حصلت قبل الثورة تتغير؟
سواء حلوة ولا وحشة؟
أصل قريت من قريب
إنهم عايزين يغيروا النشيد الوطني
اشمعنى؟؟
هو حسني مبارك اللي مألفه؟
ولا هو اللي كان بيغنيهولنا؟؟
ولا يكونش النشيد طلع من فلول النظام؟!؟
هو آه النشيد فيه كلمات صعبة
والعيال الصغيرة اللي بيحاولوا يحفظوه في المدرسة
بيشلفطوه خالص وبيخلوا الكلمات فيه ملهاش أي معنى
بس مش متخيلة الواحد هيحس بنشيد غيره إزاى
ده احنا بنفتكر طابور المدرسة بالنشيد مش بأي حاجة تانية.
هو كل حاجة قبل كده حصلت تبقى وحشة
ومش هينفع مصر تبقى أحسن إلا لما نغيريها؟
بردو قريت إن الإذاعة والتليفزيون كانوا عايزين يشيلوا لقطات كتير من أفلام أو مؤتمرات
موجود فيها حسني مبارك وغيره من النظام السابق واللي محبوسين دلوقتي
بيتهيألي بالطريقة دي بيمحوا جزء من التاريخ.
حتى لو كان الجزء ده مش على مزاجنا.
دلوقتي بقت على كل حدث بيحصل
بيطبق عليه فيلم أو حتى أغنية
بالزمن اللي إحنا فيه ده
طريقتنا لتسجيل الأحداث من حوالينا بقت في السينما والتلفزيون والأغاني
يعنى دول كلهم فيهم جزء من تاريخنا والظروف اللي بنمر بيها.
ليه نشيل جزء من التاريخ لمجرد إن الحماسة دلوقتي واخدانا
ومش شايفين غير إن الناس دي نمحيهم من أي حاجة هما فيها؟
طب ما مصر عدى عليها حاجات كتير أوي ظهرت في الأفلام
ليه مفكروش يشيلوا حاجة منها؟
شايفة إن ده تاريخ.
سواء كنا عايزينه دلوقتي ولا مش عايزينه.
بس ولادنا هييجوا بعد كام سنة يسألونا عن كل تفصيله فيه.
وإحنا مجبرين نرد عليهم سواء بالحلو أو الوحش.
عشان مينفعش يشوفوا صورة مش كاملة..!
سواء حلوة ولا وحشة؟
أصل قريت من قريب
إنهم عايزين يغيروا النشيد الوطني
اشمعنى؟؟
هو حسني مبارك اللي مألفه؟
ولا هو اللي كان بيغنيهولنا؟؟
ولا يكونش النشيد طلع من فلول النظام؟!؟
هو آه النشيد فيه كلمات صعبة
والعيال الصغيرة اللي بيحاولوا يحفظوه في المدرسة
بيشلفطوه خالص وبيخلوا الكلمات فيه ملهاش أي معنى
بس مش متخيلة الواحد هيحس بنشيد غيره إزاى
ده احنا بنفتكر طابور المدرسة بالنشيد مش بأي حاجة تانية.
هو كل حاجة قبل كده حصلت تبقى وحشة
ومش هينفع مصر تبقى أحسن إلا لما نغيريها؟
بردو قريت إن الإذاعة والتليفزيون كانوا عايزين يشيلوا لقطات كتير من أفلام أو مؤتمرات
موجود فيها حسني مبارك وغيره من النظام السابق واللي محبوسين دلوقتي
بيتهيألي بالطريقة دي بيمحوا جزء من التاريخ.
حتى لو كان الجزء ده مش على مزاجنا.
دلوقتي بقت على كل حدث بيحصل
بيطبق عليه فيلم أو حتى أغنية
بالزمن اللي إحنا فيه ده
طريقتنا لتسجيل الأحداث من حوالينا بقت في السينما والتلفزيون والأغاني
يعنى دول كلهم فيهم جزء من تاريخنا والظروف اللي بنمر بيها.
ليه نشيل جزء من التاريخ لمجرد إن الحماسة دلوقتي واخدانا
ومش شايفين غير إن الناس دي نمحيهم من أي حاجة هما فيها؟
طب ما مصر عدى عليها حاجات كتير أوي ظهرت في الأفلام
ليه مفكروش يشيلوا حاجة منها؟
شايفة إن ده تاريخ.
سواء كنا عايزينه دلوقتي ولا مش عايزينه.
بس ولادنا هييجوا بعد كام سنة يسألونا عن كل تفصيله فيه.
وإحنا مجبرين نرد عليهم سواء بالحلو أو الوحش.
عشان مينفعش يشوفوا صورة مش كاملة..!
