حاجات جوايا

1
مبقتش افرح كتير..
ليه بقيت دايما أتوقع الأسوء؟ مش عارفة.....

2
كتير بحس إني غلطت ف الاختيار.. ليه بعد ما كنت حددت إني مقبلش إضافة أي حد على الفيس بوك قبلت إضافة بعض الأشخاص..؟؟؟!!! يمكن خجلت إني أرفض.... عشان مش أبقى قليلة الذوق.
ليه دلوقت حاسة إني أكثر من نصف من أضفتهم مؤخرا عايزة أعملهم بلوك مش ريموف وبس
أرجع وأقول أنا اللي غلطانة لأني أعتقدت حسن النية فيهم وقلت لنفسي بلاش أبقي متشائمة....
بس اتضح إن إحساسي دايما صح وإني بلوم نفسي كتير على اللي عملته.

3
هو إيه معنى الصداقة..؟ شغل جميل جمعنا مع بعض..؟ عيش وملح مع بعض..؟ فسحة جميلة قضيناها كلنا مع بعض..؟ خوف على بعض....؟ طيب ليه بعد ده كله تخليني أحس إنه مكانش عيش وملح ولا صداقة ولا حتى زمالة....
اسمحلي أقولك إنك لا كنت صديقي... ولا حتى مجرد زميل ولا هتكون، ومش هقبل أني أعمل لك add تاني على الفيس بوك.... مش هقبل صداقتك تاني لأنها مش ممكن تكون هي دي الصداقة.....

4
مش معنى إني قبلت صداقتك وإني تعاملت معك ببساطة وحسن نية وخير إنك تسمح لنفسك تعاتبني كأنك صديق عزيز أعرفه من زمن
لأن العتاب بين الأصدقاء... فعلا وليس من يدعي الصداقة.

5
هو: انتِ فين...؟ مش بتردي علي الموبايل ليه...؟
هي: كنت بصلي ....مصليش يعني
هو: يا بنتي أنا مش صحيتك تصلي الفجر..؟!! هو انتِ مصلتيش ولا إيه...؟
هي: أنا صليت الحمد لله بس.. نمت بعد الفجر وصحيت من شوية وبحب دايما أبدأ يومي بالصلاة.
هو: حبيبتي أنا فخور بيك.. بحبك

6
مش معقول كل يوم ألاقي تعليقات زعلانة مني عشان مش بعلق عندهم .. آسفة بجد بس معلش بجد أنا مشغولة.  وبسأل ليه ناس تانين مش بيعاتبوني وبيكونوا هما أول ناس بتعلق على أي بوست جديد عندي وعمرهم ما عاتبوني..؟ ده لانهم ناس بجد بتفهم وتقدر.. الكتابة مش عشان التعليقات يا جماعة، الكتابة للكتابة نفسها.. لحب الكتابة نفسها.. ولكل منا مشغولياته. أرجو من يأتي ها هنا في المدونة لا يكتب كلام شخصي..أرجوكم هنا كتابة وتعليق علي ما كتبت وليس علي شخصيتي.

7
هي: صباح الحب حبيبي.
هو: صباح الحب حبيبتي، بحب كلمة حبيبي منك، بس تعرفي في كلمة أحلي منها كتير
هي: إيه؟
هو: زوجي.

8
أنا آسفة.. بجد أنا آسفة، يا ريتك تفهمني وتعذرني عشان الضغط اللي أنا فيه.. دراسة، وشغل، وسفر، ومذاكرة.. معلش استحملني ولو مش انت اللي هتستحملني يبقى مين هيستحملني...؟!!!

9
هي: هشوفك ف عيد ميلادي؟
هو: مش عارف، يمكن وقت الشغل ميسمحش وهكون على سفر
هي: بتهرب مش عايز تجيب هدية..
هو: هديتي عمر ما في حد هيعرف يجيبهالك غيري

10
هو: تفتكري مين فينا بيحب التاني أكتر
هي: أنا طبعا عشان بستحمل شغلك وكلامك ونرفزتك عليا
هو: لاء أنا طبعا لأني بستحمل كلامك وسخافتك عليا
هي: لاء أنا طبعا.
هو: لاء أنا طبعا تصدق احنا الاتنين مجانين

11
هي: بحب الأطفال جدًا
هو: عقبالنا إن شاء الله
هي: مش ممكن طبعا لانهم بيعيطوا كتير
هو:ده الطبيعي.. 
هي: طيب انت هتبقي تسكتهم وتسيبني أنام؟
هو: لا يا حبيبتي مش انتِ مامتهم يبقى انتِ اللي تسهري بيهم.. هو ده كلام الأغاني اللي دوشتونا بيها

12
هو: تفتكري أولادنا هتبقي ملامحهم إيه؟
هي: عايزاهم يشبهوك
هو: عايزهم يشبهوكِ.. يا ريتهم يشبهونا احنا الاتنين
 
كتاب المئة تدوينة. Powered by Blogger.

التصنيفات

القائمة الكاملة للتدوينات

 

© 2010 صفحة التدوينات المرشحة لكتاب المئة تدوينة