في مصر فيه حاجات ثوابت لا يمكن المساس بيها. ممكن فيه حاجات تلاقيها في دول تانية.. بس في مصر بيبقى ليها شكل مختلف ومميز.
حاجات كتير بتاخد الطابع المصري. سيبك من الفول والطعمية ومحشي ورق العنب وطبق الكشري, ووشوش الفلاحين المكرمشة من الشمس اللي هتروح فين من على قفا الفلاح؟, وكوباية الشاي الصعيدى التقيل حبر, وفوانيس رمضان وموائد الرحمن, وماتشات الأهلى والزمالك. سيبك من كل ده.. بس فيه حاجة أساسية بيحفظها أي مصري من غير ما حد يقولها له.. قانون كده بيتنقل عبر الجينات وبيتولد مع المصري. المصري ممكن يسكت على أي حاجة.. ممكن يستحمل إهانة وذل 30 سنة. أي حاجة.. بس فيه حاجتين عليهم علامة إكس ماينفعش يتقرب منها: أرضه.. وعرضه.
معرفش ليه الموضوع ده جه في بالي لما انتشرت تاني أخبار عن إقرار مسؤول كبير في الجيش بإجراء الجيش فحوص عذرية لـ18 أنثى اتقبض عليهم وتم اعتقالهم من ميدان التحرير يوم 9 مارس. كنا قرينا الموضوع ده من شهرين.. وقال اللي قال إن الجيش يمارس انتهاكاته.. وقال اللي قال إن ده ماحصلش والجيش برئ. وأيِّد الكلام ده البيان رقم 29 الصادر من المجلس العسكري على الفيس بوك.
الرسالة رقم 29 :
"بشأن ما ورد وما تردد في الفترة الأخيرة عن قيام أفراد من القوات المسلحة بتعذيب فتيات تم اعتقالهن خلال الاعتصام الأخير في ميدان التحرير.. فإننا نؤكد أنه قد تم اتخاذ الإجراءات اللازمة للوقوف على صحة هذا الموضوع.. واتخاذ ما يلزم تجاهه".
وأهو المجلس العسكري إمبارح أقرّ -عَبْر مسؤول كبير- إنه ده حصل فعلاً.. ها؟
إيه؟
وبعدين؟
إيه الخطوة الجاية؟
البنات دي مين هياخد حقها؟
تجاوزات الجيش حصلت فعلاً، وهي كتير مش مجرد فحص عذرية للبنات اللي اعتقلوهم 9 مارس. ولا السكوت على كل المصايب اللي بتحصل. وآخرها ظابط قسم البساتين اللي احتجز مواطن وعلّقه من رجليه أسبوع ورفض يخلي سبيله. الموضوع أكبر من كده بكتير. وماحدش يعرف آخره!
المشكلة بقى...
فين الإخوان والسلفيين دلوقتي يتكلموا عن البنات والستات دي؟
ولا مش على هواهم؟!!
هى أختك كاميليا وأختك عبير بس اللي من حقهم إنك تطالب بحقهم.. لكن إخواتك الـ18 دول مش من حقهم إنك تدافع عنهم؟
ولا عشان مش قضيتك؟
طب أدينا مستنيين لما نشوف رد فعل الإخوان والسلفيين.
_________________________
سي إن إن عن مصدرعسكري: تم إخضاع متظاهرات اعتُقِلن في الثورة لفحص "عذرية إجباري".
«سي. إن. إن»: مسؤول عسكري يقرّ بإجراء «فحص عذرية» لمتظاهرات من «التحرير».
Egypt women protesters forced to take 'virginity tests'
Egypt under fire for 'virginity tests'
Egyptian general admits 'virginity checks' conducted on protesters
مصر: مصدر يقر بإخضاع محتَجّات لـ"فحوص عذرية".
‘Are you a virgin? We will torture you, and then we will check,’ say Egypt army officials to arrested protesters, spawning wide outrage
اقرأ أيضًا:
سهى بيومي تكتب: السي إن إن: قيادي عسكري يعترف بإجراء "فحوص عذرية" لمتظاهرات.
شاهد:
سارة عبدالرحمن تستنكر: عزيزي الجيش - Dear Military
أخيرًا..
عايز أأكد تاني على الفرق بين الجيش اللي هو المجلس العسكري اللي بيحكم مصر, والجيش اللي هو القوات المسلحة اللي بتحمي مصر. وإن مش أمين شرطة ضرب مواطن بالنار في اسكندرية يبقى الجيش وحش. لكن أمين شرطة يضرب مواطن بالنار, والجيش يسكت.. يبقى ساعتها فيه مشكلة.
وربنا يستر عليكي يا مصر.
_________________________
تحديث:
مصادر بـ«العفو الدولية»: المجلس العسكري أبلغنا أن اختبارات العذرية تمّت لـ«حماية الفتيات».
حاجات كتير بتاخد الطابع المصري. سيبك من الفول والطعمية ومحشي ورق العنب وطبق الكشري, ووشوش الفلاحين المكرمشة من الشمس اللي هتروح فين من على قفا الفلاح؟, وكوباية الشاي الصعيدى التقيل حبر, وفوانيس رمضان وموائد الرحمن, وماتشات الأهلى والزمالك. سيبك من كل ده.. بس فيه حاجة أساسية بيحفظها أي مصري من غير ما حد يقولها له.. قانون كده بيتنقل عبر الجينات وبيتولد مع المصري. المصري ممكن يسكت على أي حاجة.. ممكن يستحمل إهانة وذل 30 سنة. أي حاجة.. بس فيه حاجتين عليهم علامة إكس ماينفعش يتقرب منها: أرضه.. وعرضه.
معرفش ليه الموضوع ده جه في بالي لما انتشرت تاني أخبار عن إقرار مسؤول كبير في الجيش بإجراء الجيش فحوص عذرية لـ18 أنثى اتقبض عليهم وتم اعتقالهم من ميدان التحرير يوم 9 مارس. كنا قرينا الموضوع ده من شهرين.. وقال اللي قال إن الجيش يمارس انتهاكاته.. وقال اللي قال إن ده ماحصلش والجيش برئ. وأيِّد الكلام ده البيان رقم 29 الصادر من المجلس العسكري على الفيس بوك.
الرسالة رقم 29 :
"بشأن ما ورد وما تردد في الفترة الأخيرة عن قيام أفراد من القوات المسلحة بتعذيب فتيات تم اعتقالهن خلال الاعتصام الأخير في ميدان التحرير.. فإننا نؤكد أنه قد تم اتخاذ الإجراءات اللازمة للوقوف على صحة هذا الموضوع.. واتخاذ ما يلزم تجاهه".
وأهو المجلس العسكري إمبارح أقرّ -عَبْر مسؤول كبير- إنه ده حصل فعلاً.. ها؟
إيه؟
وبعدين؟
إيه الخطوة الجاية؟
البنات دي مين هياخد حقها؟
تجاوزات الجيش حصلت فعلاً، وهي كتير مش مجرد فحص عذرية للبنات اللي اعتقلوهم 9 مارس. ولا السكوت على كل المصايب اللي بتحصل. وآخرها ظابط قسم البساتين اللي احتجز مواطن وعلّقه من رجليه أسبوع ورفض يخلي سبيله. الموضوع أكبر من كده بكتير. وماحدش يعرف آخره!
المشكلة بقى...
فين الإخوان والسلفيين دلوقتي يتكلموا عن البنات والستات دي؟
ولا مش على هواهم؟!!
هى أختك كاميليا وأختك عبير بس اللي من حقهم إنك تطالب بحقهم.. لكن إخواتك الـ18 دول مش من حقهم إنك تدافع عنهم؟
ولا عشان مش قضيتك؟
طب أدينا مستنيين لما نشوف رد فعل الإخوان والسلفيين.
_________________________
سي إن إن عن مصدرعسكري: تم إخضاع متظاهرات اعتُقِلن في الثورة لفحص "عذرية إجباري".
«سي. إن. إن»: مسؤول عسكري يقرّ بإجراء «فحص عذرية» لمتظاهرات من «التحرير».
Egypt women protesters forced to take 'virginity tests'
Egypt under fire for 'virginity tests'
Egyptian general admits 'virginity checks' conducted on protesters
مصر: مصدر يقر بإخضاع محتَجّات لـ"فحوص عذرية".
‘Are you a virgin? We will torture you, and then we will check,’ say Egypt army officials to arrested protesters, spawning wide outrage
اقرأ أيضًا:
سهى بيومي تكتب: السي إن إن: قيادي عسكري يعترف بإجراء "فحوص عذرية" لمتظاهرات.
شاهد:
سارة عبدالرحمن تستنكر: عزيزي الجيش - Dear Military
أخيرًا..
عايز أأكد تاني على الفرق بين الجيش اللي هو المجلس العسكري اللي بيحكم مصر, والجيش اللي هو القوات المسلحة اللي بتحمي مصر. وإن مش أمين شرطة ضرب مواطن بالنار في اسكندرية يبقى الجيش وحش. لكن أمين شرطة يضرب مواطن بالنار, والجيش يسكت.. يبقى ساعتها فيه مشكلة.
وربنا يستر عليكي يا مصر.
_________________________
تحديث:
مصادر بـ«العفو الدولية»: المجلس العسكري أبلغنا أن اختبارات العذرية تمّت لـ«حماية الفتيات».
